Díreach Eorpach

Déanfaidh Ionad Díreach Eorpach Leitir Ceanainn Lá na hEorpa a cheiliúradh Dé Luain 9 Bealtaine ag 11.00rn sa Lárleabharlann. Beidh an ócáid ​​saor in aisce agus beidh sólaistí ar fáil.

Tabharfar cur i láthair don Choimisiún Eorpach iad seo a leanas ina measc :

• Eacnamaíocht  a oibríonn do dhaoine

• An AE don Chéad Ghlúin Eile: plean téarnaimh agus athléimneachta na hÉireann.

I measc na gcainteoirí beidh Joy Harron ón Aonad Maoinithe Straitéisigh agus Forbairt Eacnamaíochta Chomhairle Chontae Dhún na nGall. Is deis é seo daoibh tuiscint agus forbhreathnú níos fearr a fháil ar an nuacht is déanaí agus glaonna ar an gClár Forimeall Thuaidh agus Artach, Clár an Limistéir Atlantaigh, Iarthuaisceart na hEorpa agus Peace Plus. Gheobhaidh tú léargas fosta ar an maoiniú AE atá ar fáil agus roinnt samplaí de thionscadail a rinneadh le déanaí.

Labhróidh Toni Forrester, Príomhfheidhmeannach Chomhlachas Tráchtála Leitir Ceanainn, fosta faoin ról atá ag an Aontas Eorpach i gcruthú agus i gcothú geilleagar láidir i nDún na nGall agus in Éirinn.

Déanann Lá na hEorpa comóradh ar shíniú Dhearbhú Schuman. Bhí sé mar aidhm ag an bplean uaillmhianach seo síocháin fhadtéarmach a chinntiú san Eoraip i ndiaidh an chogaidh a mheastar anois mar thús leis an Aontas Eorpach.

 Tá Ionad Díreach Eorpach Leitir Ceanainn anseo le do cheisteanna ar an AE a fhreagairt agus do na nithe seo a leanas a sholáthar:

• Eolas faoin Aontas Eorpach
• Rochtain ar fhoilseacháin agus ar bhróisiúir ó institiúidí an AE
• Rochtain ar ríomhairí pearsanta chun ábhar AE a chuardach
• Nasc teileafóin saor in aisce chuig Deasc Chabhrach Ionad Díreach Eorpach
• Imeachtaí, ina measc cainteanna, taispeántais agus comórtais

Leis  an imeacht seo a chur in áirithe seol ríomhphost chuig [email protected] , nó is féidir leat scairt a chur ar 0749124950 nó bualadh isteach go dtí an Lárleabharlann i Leitir Ceanainn.

 ‌